Servicing & Shorting Removing

Servicing

servicing jaise ki har machines aur gaaadi ki servicing karaya jaata hai. waise hi hum apne phone ke board ko bhi service karenge. lekin sab cheezon ki servicing karne ke liye jyadatar paani ka hi use kiya jaata hai. lekin hum PCB ki Servicing ke liye teen cheezon ka use karenge.servicing matlab saaf safai.

1. Eraser
2. IPA Solution
3. Elma Solution

Eraser(rubber)

se service kab kab

kiya jaata hai?

jaise koi component mobile ke board se sirf ek pin se toch hokar kaam karta hai.
jaise neeche dono image me jo speaker aur ringer ke point dikh rahe hain wo point jab board se touch hote hain tabhi apna speaker kaam karta hai.




agr kbhi apna speaker kaam nahi karta hai ya phir bajte bajte pakad chorr kar rha ho , to, hum pehle mobile ko dissassemble karenge uske baad jahan par speaker ka point touch ho rha tha wahan eraser se acche se clean karenge uske baad phir check karenge apna speaker kaam karne lagega. agr nahi kaam karta hai to apna speaker hi kharab hai. phir hame dusra speaker laga check karna padega. lekin jyadatar cases me sirf servicing se hi problem solved ho jata hai.
yahan par maine speak ka example diya lekin aese hi aur bhi koi components ho sakte hain. jaise vibrator aur bhi kuck ho sakta hai.
aur second hum log eraser ka use tab karte hain. jb apne keypad waale phone ka button bahut tez dabane se kaam karta hai, ya koi ek do button kaam nhi karta. see this




phir hame pehle keypad ka sticker jo safed colour ka rehta hai jaisa ki upar image me dikh rha hai, usko hata kar hum logon ko keypad ka point jo dusre image me dikh rha hai. uspar halka se IPA (iso propyl alcohal) spray kar ke acche se eraser se clean karenge. uske baad phir Sticker laga kar button check karna hai, abhi button pehle jaisa ek proper work karne lagega.

IPA Solution

jab apne phone mein koi bhi short na dikha rha ho aur battery bhi poori charge ho, lekin agar mobile on na ho rha ho to hum motherboard ko alag karke poore motherboard par acche se IPA sprey kar ke brush karenge. agar dust ya phir mostures ke wajah se koi components short ho rha hoga to mobile Abhi Poore tarike se on ho jayega

Elma Solution

Elma Solution ka use ham motherboard ko Hard Service karne ke liye use karte hain. jab koi phone Water Damage ya phir bahut saara dust aur mosture(dhool aur mitti) rahega phir hame sabse pehle mobile me se motherboard ko alga karna hai. uske baad jitne bhi paani mein bheegne se kharab hone wala components hai usko board se disconnect hai. jaise Wire waale mic,aur cameras,vibrator to mostly board se alag hota hai. agr koi keypad phone ko elma me rakhna hai to hame pehle Soldering waale display ko bhi nikaalna padega.
uske baad koi packed box lena hai , aur usme itna Elma Daalna hai ki poora motherboard acche se bheeg jaaye. abhi motherboard ko 1.5 ghante baad elma se nikalna hai. aur acche se brush karna hai. iske baad agar thoda chipchipa pan rehta hai to hum halka sa paani poore motherboard par dalenge. iske baad phir acche se brush karenge aur phir IPA se sprey karne ke baad phir acche se brush maarna hai. iske baad board ko acche se sukhaana hai phir do minute baad board ko on karke dekhenge. agar on hua to acchi baat hai nahi to aage aur bhi kuch solution likhe huye hain.

Last Steps

Capacitor Checking

Dear Readers, Jaisa ki aap sabko pata hai Brown Color Aur Light Brown, Light Yellow aur black color ke bhi capacitors hote hain.
lekin mostly Dark Aur Light Brown color ke capacitor hi use hota hai.
khaas kar full short Board mein power IC ke pass capacitor check karna padta hai agar 2 ya 4 capacitor short batayega to ek ek karke chaaron capacitor ko nikal kar shorting check karna hai, agar capacitor nikalne se shorting nikal jaata hai aur mobile poore tarike se on ho jata hai phir hame dusra capacitor lagane ki jaroorat nahi bina capacitor ke hi mobile on rahega.

capacitor check karne ke liye multimeter ko beep range par set karke red wire ko ground par aur black wire ko capacitor ke ek ek point par touch karna hai.jis capacitor par Dono Side Beep aata hai sirf wahi capacitor hi kharab rahega aur agar is condition ko chorr kar koi aur condition aata hai jaise, ek side beep aur ek side reading ya dono side reading aayega to bhi apna capacitor sahi hi rahega.

Heating Testing

Agar koi capacitor short nahi bata rha hai. phir hame board me battery connect karna hai aur check karna hai koi capacitor heat ho rha hai ki nahi. jo capacitor heat hoga usko nikal kar phir shorting check karna hai. aur agar koi IC Heat ho rahi ho to aese case me hum IC ke upar Brown paste lagakar thoda heat karenge jyada se jyada 40 Seconds Tak hi heat karna hai.

Agar itna sab karne ke baad bhi mobile ON na ho to Mobile ko Dead House me rakh dena hai. ya phir juhu beach me bhi phenk sakte hain....